Мектеп туралы ақпарат

«Нұрсұлтан Назарбаев Білім беру Қоры» ҚҚ

«Нұрсұлтан Назарбаев Білім беру Қоры» ҚҚ 1998 жылы құрылған. «Білім беру Қоры»  ең алғашқы жұмыс істей бастаған күндерінен бастап Қазақстан Республикасы білім беру жүйесін халықаралық стандарттарға сәйкес дамытуға ықпал етуді  өз мүддесіне алды.  Қордың міндеті озық үлгідегі ұлттық және халықаралық тәжірибені қолдану, халықаралық оқу бағдарламасы мен еліміздің білім беру саласындағы нормаларды қолдану болып табылады.  

Білім беру Қоры қамқорлығы бойынша алға қойылған мақсаттарды жүзеге асыру үшін үш халықаралық мектеп құрылды, олар: Астана және Алматы қалаларындағы Халықаралық «Мирас» мектептері, сондай-ақ Алматы қаласындағы Халықаралық Мектеп. Халықаралық «Мирас» мектебі – оқушылары мен мұғалімдері өздерінің рухы, құрамы мен мазмұны жағынан интернационалды болып келеді. Мектептің концептуалды және әдістемелік білім беру жүйесінде айтулы өзгерістер  жасалды:  оқыту міндеттері қайта қарастырылды, оқыту мазмұны өзгертілді, оқытудың алдыңғы қатарлы технологиялары мен әдістері қолданылды, студент жұмысын бағалаудың ұстанымбелгілері бар жүйесі берілді. Мектептің жаңа білім беру жүйесі өзгерістерге бейімделе алатын, танып–білуге ұмтылатын, сыни тұрғыда пайымдай алатын, өз халқы және әлем халықтарының мәдениетін бағалап, құрметтей алатын студенттердің белсенді де батыл жаңа жеткіншектерін дайындайды.

Қоғамдық Қор  қарамағындағы Мектептер айтарлықтай нәтижелерге қол жеткізді:

•  «Мирас» мектептері Халықаралық мектептер Кеңесімен, Жаңа Англия (New England) штаттары мектептері мен колледждері Қауымдастығымен аккредиттелген;  
• Алматы қаласындағы Халықаралық Мектептің Орта буыны халықаралық Бакалавриаттың MYP бағдарламасы бойынша авторизацияланған;
• Астана қ. Халықаралық  «Мирас» мектебі де халықаралық Бакалавриаттың «PYP» және «MYP»  бағдарламасы бойынша авторизацияланған.
• Алматы қаласындағы Халықаралық «Мирас» мектебі  халықаралық Бакалавриаттың үш бағдарламасы (PYP, MYP, DP) бойынша авторизация алды. «Мирас» мектебі Халықаралық Бакалавриаттың барлық үш бағдарламасы бойынша  авторизацияланған әлемдік 120 мектептің және Тәуелсіз Мемлекеттер Достастығындағы (ТМД) үш мектептің бірі болып табылады. Біздің түлектеріміз Гарвард, Оксфорд және Кэмбридж университеттерінде, Мәскеу мемелекеттік Халықаралық қатынастар институтында, Мәскеу мемлекеттік университетінде және әлемнің басқа да танымал оқу орындарында табысты түрде білім алып жатыр.
• «Мирас» мектебі  Кембридж университетінен Халықаралық емтихан орталығы ретінде негізгі мектепті бітіргендігі туралы Халықаралық Сертификатқа IGCSE емтихандарын қабылдау бойынша  аккредитациясын алды.

Білім және Ғылым Министрлігі Қоғамдық Қор  қарамағындағы Мектептерді алдыңғы қатарлы оқу мекемелері деп таниды.  Мектепте ұдайы өткізіліп тұратын семинарлар мен конференциялар мұғалімдер арасында үлкен сұранысқа ие. Мектептің іс-тәжірибесі Қазақстандағы болашақта әрекет ететін  12 жылдық мектептердің бағдарлама құжаттары мен басқа да материалдарын дамыту үшін қолданылады.